راولپنڈی:پاکستان اور انگلینڈ کے پہلے ٹیسٹ سے قبل اسلام آباد میں پاکستانی کرکٹ ٹیم کے کھلاڑیوں کے ساتھ مداحوں نے سیلفیاں اور آٹوگرافس لیے۔
پاکستان کرکٹ بورڈ (پی سی بی)نے اپنے آفیشل ٹوئٹر اکائونٹ پر مداحوں کی ٹیم کے کھلاڑیوں کے ساتھ سیلفیاں لینے کی ویڈیو شیئر کی جسے صارفین کی جانب سے کافی پسند کیا جارہا ہے۔
Selfies, autographs and memorable interactions 🤳✍️💬
Fans meet the players in Islamabad 💚#PAKvENG | #UKSePK pic.twitter.com/8qUtw3LbYN
— Pakistan Cricket (@TheRealPCB) November 27, 2022
ویڈیو میں دیکھا جاسکتا ہے کہ کس طرح مداحوں کے ہمراہ کرکٹرز بھی خوشگوار موڈ میں ہیں۔ویڈیو میں کپتان بابر اعظم، نسیم شاہ، اظہر علی، سرفراز احمد، حارث رئوف اور شان مسعود سمیت دیگر کرکٹرز کو دیکھا گیا۔
ایک مداح کا اس موقع پر کہنا تھا کہ ‘قومی ہیروز کو اتنے قریب سے دیکھنا اور انہیں پریکٹس کرتے دیکھنا، اس میں کوئی شک نہیں کہ یہ لوگ کتنی محنت کرتے ہیں’۔ایک اور خاتون مداح کا کہنا تھا کہ نسیم شاہ اور شاداب خان ان کے پسندیدہ کھلاڑی ہیں۔