واشنگٹن :امریکی محکمہ خزانہ نے یوکرین کے خلاف جاری جنگ کی وجہ سے ماسکو پر عائد پابندیوں کی فہرست میں 18 روسی اداروں کو شامل کرنے کا اعلان کیا گیا۔
میڈیارپورٹس کے مطابق امریکی خزانہ کے دفتر برائے غیر ملکی اثاثہ جات کنٹرول نے ایک بیان میں کہا کہ اضافی ادارے روسی فیڈریشن میں مالیاتی خدمات کے شعبے سے متعلق ہیں۔
دفتر نے مزید کہا کہ یہ پیش رفت امریکی محکمہ خارجہ کی طرف سے حکمران طبقے کے 40 افراد کے اثاثوں پر پابندیاں عاید کرنے کی کوششوں کے علاوہ ہے۔
دفتر نے بتایا کہ نیا قدم امریکا کی حکومت کی ان کوششوں کا حصہ ہے کہ جمہوریہ روسی فیڈریشن کی حکومت کی یوکرین کے خلاف اپنی غیر معقول جنگ کی مالی اعانت کرنے کی صلاحیت کو مزید محدود کیا جائے۔