پشاور: ضلع کرم میں معدنیات نکالنے کے تنازع پر فریقین کے مابین فائرنگ کا سلسلہ جاری ہے، پاڑہ چمکنی قبائل کے مورچے میں مارٹر گولہ پھٹنے سے 5 افراد جاں بحق ہوگئے۔
پولیس کے مطابق معدنیات نکالنے کے تنازع پر 5 افراد کے اغوا کے بعد فائرنگ کا تبادلہ جاری ہے۔
گزشتہ روز ضلعی انتظامیہ اور فورسز کی کوششوں سے جرگے کے ذریعے 5 افرادکو بازیاب کرا لیا گیا تھا تاہم دوبارہ فائرنگ کا سلسلہ شروع ہوگیا۔
ذرائع کا کہنا ہے کہ گنداو کے علاقے میں ایک مورچے میں مارٹر کا گولہ پھٹنے سے 5 افراد جا ں بحق ہوگئے۔
ڈپٹی کمشنر ضلع کرم واصل خان کا کہنا ہے کہ جرگہ اور مذاکرات کے ذریعے مسئلے کے حل کی کوشش کی جارہی ہے ۔
