اسلام آباد: وزیراعظم شہباز شریف نے کہا ہے کہ سیاسی قوتیں ملک دشمن عناصر کے خلاف متحد ہو جائیں، سیاسی لڑائی بعد میں بھی لڑی جا سکتی ہے۔
سماجی رابطے کی ویب سائٹ ٹوئٹر پر جاری بیان میں وزیراعظم کا کہنا تھا کہ دہشت گرد اپنی گھناؤنی حرکتوں سے عوام میں خوف و ہراس پھیلانا رہے ہیں۔ ملک دشمن عناصر پاکستان میں دہشت گردی اور عسکریت پسندی کے خلاف ہماری محنت سے حاصل کی گئی کامیابیوں کو پلٹنا چاہتے ہیں۔
وزیراعطم نے اپنے ٹوئٹ میں مزید کہا کہ تمام سیاسی قوتوں کے لیے میرا پیغام ہے کہ پاکستان دشمن عناصر کے خلاف اتحاد کا مظاہرہ کریں۔ہم اپنی سیاسی لڑائی بعد میں لڑ سکتے ہیں۔