ایمنسٹی انٹرنیشنل نے اسرائیلی حکام سے فلسطینی علاقوں میں خونریزی اور مصائب کا باعث بننے والے نسل پرستانہ نظام (نظام امتیاز) کو ختم کرنے کا مطالبہ کیا ہے ۔
اس موضوع پر ایک تحریری بیان میں کہا گیا ہے کہ جب سے تنظیم نے نسل پرست حکومت کے خلاف مہم شروع کی ہے، اب تک 220 فلسطینی مارے جا چکے ہیں، جن میں سے 35 جنوری 2023 میں مارے گئے ہیں ۔
بیان میں کہا گیا ہے کہ اسرائیلی حکام کو فلسطینی علاقوں میں خونریزی اور مصائب کا باعث بننے والی نسل پرستانہ حکومت کا خاتمہ کرنا چاہیے، اس بات کی طرف اشارہ کیا گیا کہ وہ قتل جو انسانیت کے خلاف جرائم سمجھے جا سکتے ہیں، اس حکومت کے قائم رہنے میں مددگار ہو رہے ہیں۔
بیان میں کہا گیا ہے کہ اسرائیلی افواج نے گذشتہ ہفتے مقبوضہ مغربی کنارے کے شہر جنین میں ایک حملہ کیا تھا جس میں 9 افراد ہلاک ہوئے تھے اور ایک کارروائی جس میں القدس میں 7 اسرائیلی اپنی جانوں سے ہاتھ دھو بیٹھے تھے۔
ایمنسٹی انٹرنیشنل کے سیکرٹری جنرل ایگنیس کالمارڈ نے اپنے بیان میں کہا ہے کہ گزشتہ ہفتے کے دردناک واقعات نے ایک بار پھر حکومت کی مہلک سفاکی کا مظاہرہ کیا ہے۔
انہوں نے کہا کہ بین الاقوامی قانون کے مطابق ایک نسلی گروہ کی طرف سے دوسرے نسلی گروہ پر ادارہ جاتی اور منظم جبر اور تسلط کو فوری طور پر ختم کرنے کی ضرورت ہے۔ انہوں نے کہا کہ انسانی حقوق کی سنگین خلاف ورزی اور نسل پرستی کو عوامی بین الاقوامی قانون کی خلاف ورزی سمجھا جاتا ہے۔
