مکہ مکرمہ : خانہ کعبہ کے زائرین اور معتمرین نے پیر کی صبح فجر سے پہلے مسجد الحرام پر ہونے والی خیر و برکت کی بارش کے درمیان خوبصورت لمحات گزارے۔
میڈیارپورٹس کے مطابق طواف اور نماز کی ادائی کے دوران بارش لوگوں کو بھگوتی رہی تاہم وہ اس مسحور کن ماحول سے لطف اندوز ہوئے۔بہت سے نمازی خوشی سے جھوم اٹھے اور دعاؤں میں با آواز بلند رحمت کی بارش کے لیے شکر گزار ہوتے رہے۔
اسی دوران حرمین شریفین کی سیکورٹی، سیفٹی، ہنگامی حالات اور خطرات کی ایجنسی کسی بھی ہنگامی حالت سے نمٹنے کے لیے فعال رہی۔
