پشاور:پولیس نے ریڈیو پاکستان کے مرکزی گیٹ توڑنے والے ملزم کو گرفتار کرلیا،پشاور پولیس کے مطابق ملزم محمد عمر نے گیٹ توڑنے کے بعد اسے کباڑ میں فروخت کردیا تھا۔
پولیس کا کہنا ہے کہ ملزم نے ہشت نگری میں کباڑ کی دکان پر گیٹ 9ہزار روپے میں فروخت کیا تھا جسے پولیس نے برآمد کرلیا ہے۔
پولیس کے مطابق ملزم محمد عمر کے ساتھی کو بھی گرفتار کرلیا گیا ہے جب کہ ریڈیو پاکستان پر دھاوا بولنے والے دیگر ملزمان کی شناخت کا عمل جاری ہے۔
