تونسہ کے علاقے وہوا میں گٹر کی صفائی کے دوران زہریلی گیس بھرنے سے 2 افراد جاں بحق ہوگئے اور ایک کو زندہ نکال لیا گیا۔
ریسکیو حکام کے مطابق وہوا میں نکاسی آب کے لئے علاقہ مکین اپنی مدد آپ کے تحت گٹر کی صفائی کروا رہے تھے۔
گٹر کی گہرائی میں زہریلی گیس جمع ہوگئی جس سے اندر کام کرنے والے دو مزدور محمد اسامہ اور محمد طاہر دم توڑ گئے جبکہ عاشق حسین کو زندہ باہر نکال لیا گیا۔ریسکیو ٹیم نے مرنے والوں کی لاشیں تونسہ ہسپتا ل منتقل کردیں۔