منیلا: فلپائن کی سیکورٹی فورسز نے مسلح گروپ کے سات مبینہ ارکان کو فلپائن کے جنوب میں جھڑپ کے دوران ہلاک کر دیا۔
فوج نے پیر کے روز ایک رپورٹ میں کہا ہے کہ فوجیوں اور پولیس افسران کی ایک مشترکہ ٹیم اتوار کی صبح مگوئندانا ڈیل سور صوبے کے داتو پگلس قصبے میں بنگسامورو اسلامک فریڈم فائٹرز (بی آئی ایف ایف)کے ایک ٹھکانے پر وارنٹ گرفتاری جاری کرنے گئی تو جھڑپ شروع ہو گئی۔
بی آئی ایف ایف نے مبینہ طور پر قانون نافذ کرنے والے اداروں پر فائرنگ کی جس کے نتیجے میں فائرنگ کا تبادلہ ہوا جس میں بی آئی ایف ایف کے سات مشتبہ افراد ہلاک ہوئے اور ایک پولیس افسر زخمی ہوگیا۔
رپورٹ کے مطابق سرکاری فورسز نے جھڑپ کے بعد ایم 16 رائفلز اور پستول سمیت آتشی اسلحہ اور گولہ بارود قبضے میں لے لیا۔