ریاض/ابو ظہبی: سعودی عرب ، متحدہ عرب امارات، بحرین ، کویت ، عمان سمیت خلیجی ممالک میں گزشتہ روز بدھ 28 جون کو عید الاضحی منائی گئی۔
عیدالاضحیٰ کےموقع پر مکہ مکرمہ اور مدینہ منورہ میں نماز عید کے روح پرور اجتماعات منعقد ہوئے، جہاں لاکھوں حاجیوں سمیت فرزندان اسلام نے مسجد الحرام اور مسجد نبوی میں نماز عید ادا کی،اس موقع پر روح پرور مناظر دیکھنے کو آئے اور مسلمانوں نے اللہ کے حضور خشوع و خضوع سے دعا اور استغفار کیا۔
نماز عید کی ادائیگی کے بعد مسلمان نے سنت ابراہیمی پر عمل کرتے ہوئے جانوروں کی قربانی کی جبکہ حجاج کرام نے قربانی کا فریضہ انجام دینے کے بعد سرمنڈوا کر احرام کھولے۔
