اسلام آباد:پاکستان اور آئی ایم ایف کے درمیان معاہدے کے بعد شرائط کے تحت آئندہ ماہ آئی ایما یف ایگزیکٹو بورڈ کے اجلاس سے پہلے بجلی کی قیمتوں میں مزید اضافے کیس اتھ ساتھ گیس بھی مہنگی ہونے اور پیٹرولیم لیوی میں بھی اضافہ کا امکان ہے۔
ذرائع کے مطابق بجلی اورگیس کی قیمتوں میں آئی ایم ایف ایگزیکٹو بورڈ اجلاس سے قبل اضافے کا امکان ہے اس لیے بجلی کے بنیادی ٹیرف میں تقریباً 4 روپے فی یونٹ تک مزید اضافے کا امکان ہے جس کی منظوری وفاقی کابینہ سے لی جائے گی۔
خیال رہے کہ پاکستان اور عالمی مالیاتی فنڈ (آئی ایم ایف) کے درمیان 3 ارب ڈالر کے اسٹینڈ بائی انتظامات (ایس بی اے) پر عملے کی سطح کا معاہدہ ہوگیا۔
