ڈی آئی خان: حکمران اتحاد پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمان نے کہا ہے کہ مذہبی مقدسات کی توہین ناقابل برداشت ہے۔
ایک بیان میں مولانا فضل الرحمان نے کہا کہ سویڈن واقعہ سے مسلمانوں کی دل آزاری اور توہین ہوئی، امت مسلمہ کے دینی اور روحانی جذبات کو ٹھیس پہنچائی گئی ہے۔
ان کا کہنا تھا کہ واقعہ امن کی کوششوں کو سبوتاژ کرنے کی منصوبہ بندی کا حصہ معلوم ہوتا ہے، مذہبی مقدسات کی توہین ناقابل برداشت ہے۔
پی ڈی ایم سربراہ نے مزید کہا کہ عالمی برادری صورتحال کو کشیدہ بنانے والے عناصر کو کٹہرے میں لائے۔
