شکاگو: امریکا کے تیسرے بڑے شہر شکاگو میں سائرن بج گئے۔ طوفانی بگولوں نے تباہی مچادی۔ سیکڑوں پروازیں منسوخ کرنا پڑیں۔
میڈیا ذرائع کے مطابق حکام کا کہنا ہے کہ آٹھ بگولوں نے شمال مشرقی ریاست الینوائے کا رخ کیا۔ بگولوں سے چھتیں اکھڑ گئیں۔ درخت گر گئے۔ گاڑیوں کو نقصان پہنچا۔
غیر ملکی میڈیا کے مطابق تاہم فوری طور پر کسی کے زخمی ہونے کی اطلاع نہیں۔ اوہارے اور مڈوے ائیرپورٹس پر چار سو کے قریب پروازیں روک دی گئیں۔