لاہور: بھارت کی جیلوں سے رہا ہونے والے اٹھارہ پاکستانی واہگہ بارڈر کے راستے واپس وطن پہنچ گئے ہیں۔ بھارتی حکام کی طرف سے پاکستانی شہریوں کو پنجاب رینجرز کے حوالے کیا گیا۔
میڈیارپورٹ کے مطابق بھارتی حکومت نے سزائیں مکمل کرنے والے اٹھارہ پاکستانیوں کورہا کیا ہے جن میں بارہ سول قیدی جبکہ چھ ماہی گیرشامل ہیں۔ پاکستانی شہری واہگہ بارڈر کے راستے پاکستان داخل ہوئے تو پاکستان زندہ باد کے نعرے لگائے۔
میڈیا ذرائع کا کہنا ہے کہ گزشتہ چار ماہ کے دوران پاکستان نے چارسو بھارتی قیدیوں جن میں زیادہ تعداد ماہی گیروں کی تھی کورہا کیا جبکہ بھارت نے مئی دوہزارتیئس میں بائیس پاکستانیوں اورآج مزید اٹھارہ پاکستانیوں کو رہا کیا ہے۔