اسلام آباد ہائیکورٹ کے رجسٹرار آفس نے چیئرمین پی ٹی آئی کو اٹک جیل سے اڈیالہ جیل منتقلی درخواست پر اعتراضات عائد کر دیئے۔
اسلام آباد ہائیکورٹ کے رجسٹرار آفس نے دائرہ اختیار نا ہونے کا اعتراض کر دیا ،وکالت نامہ پر چیئرمین پی ٹی آئی کے دستخط نا ہونے کا بھی اعتراض عائد کیا ہے ۔
اسٹنٹ رجسٹرار دائری برانچ نے اعتراضات عائد کئے ،درخواست اعتراضات کے ساتھ کل سماعت کے لیے مقرر ہونے کا امکان ہے ۔
درخواست میں استدعا کی گئی ہے کہ چیئرمین پی ٹی آئی کی اٹک جیل میں حراست غیر قانونی قرار دی جائے،چیئرمین پی ٹی آئی کو جیل میں اے کلاس کی سہولیات فراہمی کا حکم دیا جائے،
درخواست میں لکھا گیا ہے کہ ڈاکٹر فیصل سلطان کو چیئرمین پی ٹی آئی کا میڈیکل چیک اپ کرنے کی اجازت دی جائے،چیئرمین پی ٹی آئی کو اپنی فیملی اور وکلاء سے ملاقات کی اجازت دی جائے ۔