اقوام متحدہ: اقوام متحدہ کیا یجوکیشن کین ناٹ ویٹ(ای سی ڈبلیو)فنڈنے منگل کوافغان لڑکیوں کے تعلیمی حقوق کے بارے میں آگاہی بڑھانے کے لیے ایک مہم شروع کی۔
یہ مہم ای سی ڈبلیو گلوبل چیمپیئن افغان لڑکیوں کی روبوٹک ٹیم کی سابق کپتان سمیہ فاروقی کے تعاون سے شروع کی گئی ہے جس میں ایک نوجوان افغان خاتون فنکارہ کے زبردست فن پارے بھی شامل ہیں۔
عالمی تعلیم کے بارے میں اقوام متحدہ کے خصوصی نمائندے اور ای سی ڈبلیو کے اعلی سطحی سٹیئرنگ گروپ کے سربراہ گورڈن بران نے کہا کہ عالمی برادری کوچاہیے کہ وہ افغان لڑکیوں اور نوجوان خواتین کے دل کی اس پرجوش پکار کو سنیں اور ان کے حقوق کی خلاف ورزی کی مذمت کے لیے زیادہ سے زیادہ تعداد میں متحرک ہوں۔
مزید برآں مہم ایسے وقت میں افغان لڑکیوں کی آواز کو عالمی سطح پر بلند کرے گی جب عالمی رہنما 18 سے 19 ستمبر کو پائیدار ترقی کے اہداف(ایس ڈی جی) سربراہ اجلاس کے لیے نیویارک میں اقوام متحدہ کی جنرل اسمبلی میں جمع ہوں گے۔