اسلام آباد:نگران وزیرِ اعظم انوار الحق کاکڑ اپنے 5 روزہ دورہ امریکہ کیلئے روانہ ہو گئے۔
نگران وزیرِ اعظم انوارالحق کاکڑنیویارک میں اقوامِ متحدہ جنرل اسمبلی کے 78ویں اجلاس سے خطاب کریں گے، وزیراعظم آفس کی جانب سے جاری بیان کے مطابق،نگران وزیرِ اعظم انوارالحق کاکڑنیویارک میں جنرل اسمبلی اجلاس میں شرکت کے ساتھ ساتھ عالمی رہنماؤں سے ملاقاتیں بھی کریں گے۔
نگران وزیر اعظم امریکا میں اقوام متحدہ جنرل اسمبلی اجلاس کے علاوہ موسمیاتی تبدیلی پر منعقد ہونے والی اہم کانفرنس میں بھی شرکت کریں گے۔نگران وزیراعظم اس دورے میں بین الاقوامی ذرائع ابلاغ کے نمائندوں سے ملاقات کریں گے اور امریکا کے معروف تھنک ٹینکس کا دورہ کریں گے۔