غزہ: اسلامی تحریک مزاحمت حماس کے رہنما اسماعیل ہنیہ نے اسرائیل پر حماس کے بڑے راکٹ حملے کے بعد کہا ہے کہ اسرائیل عرب ممالک کو تحفظ فراہم نہیں کر سکتا، جنگ صہیونیت کے دل میں داخل ہو چکی ہے۔
اسماعیل ہنیہ نے کہاکہ حماس اس جنگ میں اپنی فتح کی دہلیز کے قریب تر ہے، ہم غزہ کے محاذ پر ایک عظیم اور واضح فتح پانے والے ہیں ہماری سرزمین فلسطین پر اسرائیلی قبضہ بہت ہو چکا، اب ہماری سرزمین کو آزاد کرانے اور قیدیوں کو جیلوں سے چھڑانے کے لئے انتفاضہ کا سلسلہ مکمل ہونا چاہئے۔
انہوں نے ساتھی عرب ممالک سے کہا کہ اسرائیل حالیہ سفارتی تعلقات کے باوجود انہیں کوئی تحفظ فراہم نہیں کر سکتا۔
