انقرہ: ترکیہ کی گرینڈ نیشنل اسمبلی کے اسپیکر نعمان قرتلمش نے کہا ہے کہ اسرائیل کی طاقت ہتھیار یا کسی کی حمایت نہیں بلکہ عالم اسلام کا عدم اتحاد ہے۔
صوبائی مشاورتی اجلاس سے خطاب کرتے ہوئے نعمان قرتلمش نے کہا کہ اسرائیل فلسطین میں جو کچھ کر رہا ہے وہ صحیح معنوں میں ایک قتل عام اور نسل کشی ہے۔ اسرائیل کو امریکا اور یورپ کی حمایت کے ساتھ ساتھ ان کی عظیم فوجی طاقت بھی حاصل ہے۔
انہوں نے مزید کجہا کہ میری رائے میں یہ اسرائیل کی سب سے بڑی طاقت نہیں ہیں۔ اسرائیل کی سب سے بڑی طاقت عالم اسلام کی مایوسی اور بے ترتیبی ہے اور مسلم امہ کے دوچار ہونے والی صورتحال ہے۔
انہوں نے کہا کہ اسرائیل کے خلاف بیانات سے قبل ہمیں اپنا محاسبہ کرنا ہوگا۔