غزہ:صہیونی فوجیوں کی جارحیت کا سلسلہ جاری ہے، غزہ میں قائم الشفا اسپتال کو مکمل تباہ کرنے کے بعد اسرائیلی فورسز واپس لوٹ گئیں، الشفا اسپتال کے ملبے سے بڑی تعداد میں لاشیں برآمد ہوئیں۔
میڈیا رپورٹس کے مطابق غزہ میں حماس کے زیرِانتظام وزارت صحت نے کہا ہے کہ اسرائیلی فوج نے اس جگہ پر ایک بڑے آپریشن کے آغاز کے چند دن بعد محصور علاقے کے مرکزی اسپتال الشفا کے کمپلیکس سے ٹینک اور گاڑیاں واپس بلا لی ہیں۔
وزارت صحت نے کہا ہے کہ کمپلیکس سے درجنوں لاشیں ملی ہیں،جانے کے بعد بھی کمپلیکس کے آس پاس کے علاقے پر درجنوں ہوائی حملے ہوئے اور گولے گرے ہیں۔
خیال رہے کہ اقوام متحدہ کی سلامتی کونسل میں جنگ بندی کی قرارد اد منظور ہونے کے بعد بھی اسرائیلی درندگی کا سلسلہ جاری ہے، جس میں بڑی تعداد میں خواتین اور بچوں کو نشانہ بنایا جارہاہے۔
