راولپنڈی:سابق وفاقی وزیر فواد چوہدری کو اسلام آباد ہائی کورٹ سے ضمانت منظوری کے بعد اڈیالہ جیل سے رہا کردیا گیا۔
خبر رساں ایجنسی کے مطابق سابق وفاقی وزیر اطلاعات فواد چوہدری کی اسلام آباد ہائی کورٹ نے ضمانت منظور کی تھی، جس کے بعد انہیں رات گئے راولپنڈی کی اڈیالہ جیل سے رہا کردیا گیا ہے اور وہ اپنی فیملی کے ساتھ گھر روانہ ہو گئے۔
فواد چوہدری کو کرپشن کے 22 کیسز میں اسلام آباد ہائی کورٹ نے 3 ہفتوں کی عبوری ضمانت پر رہا کرنے کا حکم دیا تھا۔ عدالت نے فواد چوہدری کو ضمانت منظور ہونے کے بعد متعلقہ عدالتوں میں پیش ہونے کی ہدایت کی تھی۔