کراچی:وزیراعلی سندھ مراد علی شاہ نے عیدالفطر پر قیدیوں کی سزائوں میں کمی کا اعلان کیا ہے۔
میڈیا رپورٹس کے مطابق ترجمان وزیراعلی سندھ کے مطابق وزیراعلی نے قیدیوں کی سزا میں 120دن کی معافی کی منظوری دی ہے،سزا معافی کا اطلاق قتل، جاسوسی، بغاوت اور دہشتگردی کے قیدیوں پر نہیں ہوگا۔
زنا، اغوا، ڈکیتی، غیر ملکی ایکٹ 1946کے تحت سزا یافتہ اور منشیات کے جرائم میں ملوث قیدی بھی معافی کے حقدار نہیںجبکہ مالی غبن اور قومی خزانے کو نقصان پہنچانے کے مقدمات میں سزا یافتہ قیدی بھی معافی کے حقدار نہیں۔
خیال رہے کہ صدر مملکت اور وزیر اعلی پنجاب نے بھی عید کے موقع پر کئی قیدیوں کی سزائیں کم ہونے کے بعد رہا کرنے کا اعلان کیا تھا۔
