حماس کے سربراہ اسماعیل ہنیہ نے بیٹوں کی شہادت پر ردِعمل دیتے ہوئے کہا ہے کہ شہادتوں سے ہمیں آزادی کی اُمید ملتی ہے۔
حماس کے سربراہ اسماعیل ہنیہ نے ایک بیان میں کہا کہ میرے خاندان کے 60 افراد اور بچے شہید کیے جا چکے ہیں، پیچھے نہیں ہٹیں گے، چاہے بچے شہید اور گھر تباہ کر دیے جائیں۔
عرب میڈیا کے مطابق غزہ میں عید کے روز اسرائیلی فوج نے حماس کے سربراہ اسماعیل ہنیہ کے 3 بیٹے شہید کر دیے، حازم، محمد اور عامر شاطی ایک کیمپ میں پناہ گزینوں سے عید ملنے گئے تھے۔ صہیونی طیاروں نے شمال مغربی غزہ میں شاتی مہاجر کیمپ کو نشانہ بنایا ،حملے میں حماس کے سربراہ اسماعیل ہنیہ کے کئی پوتے پوتیاں بھی شہید ہو گئے۔