وانا: جنوبی وزیرستان میں بارودی سرنگ کے دھماکے میں تین بچے جاں بحق ہو گئے۔
نجی ٹی وی کی رپورٹ کے مطابق جنوبی وزیرستان کے علاقے میں ایک بارودی سرنگ دھماکے سے پھٹ گئی، جس میں تین بچے جاں بحق ہونے کے علاوہ ایک بچہ شدید زخمی ہوگیا۔
پولیس حکام کے مطابق بارودی سرنگ کا دھماکا مندوکئی کے علاقے میں ہوا جہاں بچے والی بال کا میچ دیکھنے کے لیے جا رہے تھے کہ ایک بچے کا پاؤں بارودی سرنگ سے ٹکرا گیا، جس سے دھماکا ہوگیا۔
ڈی پی او کا کہنا ہے کہ بارودی سرنگ کے دھماکے میں 3 بچے موقع پر جاں بحق ہوگئے اور ایک شدید زخمی ہوگیا۔ جسے مقامی اسپتال میں ابتدائی طبی امداد دینےکے بعد ڈیرہ اسماعیل خان بھیج دیا گیا ہے۔
پولیس نے واقعے کے بعد تحقیقات شروع کردی ہے۔