اسلام آباد: وزیر خزانہ محمد اورنگزیب نے اپنے دورہ امریکا سے قبل وزیراعظم شہباز شریف سے ملاقات کی ہے۔
نجی ٹیوی کی رپورٹ کے مطابق وزیراعظم کے ساتھ وفاقی وزیر خزانہ نے اپنے دورہ امریکا کے حوالے سے گفتگو کی اور امریکا میں ملاقاتوں کے حوالے سے اہم امور پر تبادلہ خیال کیا۔
ملاقات میں محصولات کے حوالے سے بات کرنے کے ساتھ ساتھ وزیر خزانہ نے دورہ امریکا کے دوران آئی ایم ایف، عالمی بینک سمیت دیگر اداروں کے ساتھ ہونے والی ملاقاتوں اور متعلقہ معاملات کے ایجنڈے کےحوالے سے تفصیلات سےآگاہ کیا۔
انہوں نے وزیراعظم سے ملاقات میں ملک کی مجموعی معاشی صورت حال پر بھی بات چیت کی۔