اسلام آباد :چیئر مین تحریک انصاف ( پی ٹی آئی ) کے رہنما کا کہنا ہےکہ مینڈیٹ کی واپسی پر ہی مفاہمت ہوگی، ڈاکوؤں سے کبھی بھی مفاہمت نہیں ہوسکتی،امید ہے بانی پی ٹی آئی رواں ماہ رہا ہوجائیں گے۔
میڈیا سے گفتگو کرتے ہوئے شیر افضل نے کہاکہ مینڈیٹ پر ڈاکا ڈالنے والے ملک تباہ کررہے ہیں، عوام مہنگائی کی وجہ سےپریشان ہے، غریب کا دو وقت کی روٹی لینا مشکل ہوگیاہے، پیٹرول کی قیمتوں کی وجہ سے ہر چیز مہنگی ہوگئی ہے۔
انہوں نے مزید کہاکہ الیکشن کے نتائج تبدیل کرنے والوں کا عوام کے سامنے احتساب ہوگا، پی ٹی آئی نے گزشتہ الیکشن طرح اس الیکشن میں کلین سوئپ کیا تھا، لیکن کچھ لوگوں کی چالاکی کی وجہ سے ہماری حکومت قائم نہیں ہوسکی۔
