اسلام آباد: آئندہ 24 گھنٹوں کے دوران ملک کے بالائی علاقوں میں موسلادھار بارشوں کا امکان ہے۔
محکمہ موسمیات کے مطابق بالائی خیبر پختونخوا، مری، گلیات، کشمیر اور گلگت بلتستان میں لینڈسلائیڈنگ کا بھی خدشہ ہے جبکہ درمیانی سے موسلادھار بارش کے باعث دیر، سوات، چترال، مانسہرہ، کوہستان اور کشمیر کے مقامی ندی نالوں میں طغیانی کا خطرہ ہے۔
آندھی، جھکڑ، ژالہ باری، گرج چمک اور تیز بارش کے باعث انسانی جانوں، کھڑی فصلوں، کمزور انفراسٹرکچر (بجلی کے کھمبے، گاڑیوں سولر پینل وغیرہ) کو نقصان پہنچنے کا اندیشہ ہے۔
