اسلام آباد:گندم درآمد اسکینڈل کی تحقیقات کرنے والے سیکریٹری کابینہ کامران علی افضل نے اس معاملے کی تحقیقات کیلئے سابق نگراں وزیرِ اعظم انوار الحق کاکڑ کو بلانے کی تردید کردی۔
میڈیا سے گفتگو کرتے ہوئے کامران علی افضل نے کہاکہ گندم اسکینڈل پر میڈیا کا جو رول ہے وہ بالکل غیر ذمہ دارانہ ہے، میڈیا افواہیں پھیلاتا ہے جو بہت بری بات ہے۔
صحافی نے کامران علی افضل سے پوچھا کہ ملکی خزانے کو اربوں روپے کا نقصان ہوا اس کا تعین کون کرے گا؟ جس پر انہوں نے کہا کہ کمیٹی میں ٹی آر اوز کا اضافہ ہوا اس وجہ سے تھوڑا ٹائم لیا گیا ہے۔
انہوں نے انوارالحق کے حوالے سے گفتگو کرتے ہوئے کہاکہ نگراں وزیرِ اعظم کو تحقیقات کے لیے طلب کرنے کے حوالے سے میڈیا نے جھوٹی خبریں چلائیں ہیں، میڈیا کو ذمہ داری کا مظاہرہ کرتے ہوئے درست معلومات فراہم کرنی چاہیے۔
