اسلام آباد کی ضلعی انتظامیہ نے پاکستان تحریک انصاف کو روات جی ٹی روڈ پر جلسے کی مشروط اجازت دے دی۔
ضلعی انتظامیہ نے باقاعدہ این او سی بھی جاری کردیا گیا ہے۔
پی ٹی آئی کو 39شرائط کے ساتھ جلسے کی اجازت دی گئی ہے، این اوسی کےمطابق8 جون کوشام 4 بجےسے7 بجےتک جلسہ کی اجازت ہوگی۔
این او سی کی شرائط کے مطابق جلسہ مقررہ وقت پر ختم کرنا ہوگا اور جلسے میں ریاست کے خلاف نعرے یا تقریر کی اجازت نہیں ہوگی ،سیکیورٹی کی ذمہ داری تحریک انصاف پر عائد ہوگی۔
اس کے علاوہ کسی قسم کی ہلڑ بازی ، سرکاری املاک کو نقصان پہنچانے کی اجازت نہیں ہوگی، جلسے کے لیے کوئی روڈ بند نہیں کی جائے گی۔