پی ٹی آئی کے رہنما علی محمد خان نے کہا ہے کہ فارم 47 والوں کو حق نہیں کہ وہ بجٹ پیش کریں۔
اسلام آباد میں میڈیا سے بات چیت کرتے ہوئے پی ٹی آئی کے رہنما علی محمد خان کا کہنا تھا کہ مذاکرات کی بات ہم نے نہیں کی، اگر حکومت سنجیدہ ہے تو بات آگے بڑھائے ،آج بجٹ اجلاس میں بھرپور احتجاج ہوگا ۔
ان کا کہنا تھا کہ پاکستان تحریک انصاف کے چیئرمین بیرسٹر گوہر نے محمود خان اچکزئی کا پیغام جیل میں عمران خان تک پہنچایا ہے جس میں کہا گیا تھا کہ وہ مذاکرات میں معاونت کرسکتے ہیں، عمران خان نے واضح کیا اگر محمود اچکزئی مذاکرات کرنا چاہتے ہیں تو کریں۔
