پنجاب کے شہر جھنگ میں پیٹرول پمپ پر گن کی صفائی کے دوران سکیورٹی گارڈ سے فائر ہوگیا، گولی لگنے سے چار سالہ بچہ موقع پر جاں بحق ہوگیا۔
واقعہ تھانہ سٹی جھنگ کے علاقہ میں پیش آیا، پولیس نے بروقت ایکشن لیتے ہوئے سکیورٹی گارڈ شمع کو موقع پر اسلحہ سمیت گرفتار کرلیا۔
پولیس نے چار سالہ بچے سلمان کی لاش کو پوسٹ مارٹم کیلئے اسپتال منتقل کیا۔ ڈی پی او جھنگ محمد راشد ہدایت نے متاثرہ خاندان کو انصاف دلانے کی یقین دہانی کروائی۔
محمد راشد نے کہا کہ قانون شکنی پر زیرو ٹالرینس پالیسی اپنائی جارہی ہے۔ وزیراعلیٰ پنجاب اور آئی جی پنجاب کے احکامات پر بچوں اور عورتوں کے تحفظ کیلئے موثر اقدامات عمل میں لائے جارہے ہیں۔
