اسٹاک ہوم (انٹرنیشنل ڈیسک) سوئیڈن کے دارالحکومت اسٹاک ہوم کی عدالت نے شام سے تعلق رکھنے والے سابق فوجی اہلکار کو جنگی جرائم کے الزامات سے بری کر دیا ۔ عدالت کے جاری کردہ بیان میں کہا گیا ہے کہ وکیل استغاثہ مبینہ الزام سے متعلق کافی ثبوت عدالت میں پیش نہیں کر سکے۔سابق بریگیڈیئر جنرل محمد حمو 2012 ء میں جنگی جرائم میں مدد دینے اور جنگی جرائم کی حوصلہ افزائی کرنے کے الزامات میں
بے قصور پائے گئے ہیں۔ واضح رہے کہ 65 سالہ محمد حمو مختلف حملوں میں ملوث تھا، تاہم وکیل استغاثہ محمد حمو پر عائد الزامات سے متعلق شواہد پیش کرنے میں ناکام رہا۔
