حیدرآباد(اسٹاف رپورٹر)سی ٹی ڈی حیدرآباد نے کارروائی کرتے ہوئے دہشتگرد حملوں کے سہولت کار کو گرفتار کرکے اس کے قبضے سے دستاویزات برآمد کرلیے ،گرفتار دہشتگرد افغانستان سے تربیت حاصل کرکے آیا۔ سی ٹی ڈی حیدرآباد نے خفیہ اطلاع ملنے پر حیدرآباد میں کارروائی کرتے ہوئے محمد زمان عرف عادل نامی دہشتگرد کو گرفتار کرلیا ،گرفتار دہشتگرد کا تعلق کالعدم تنظیم تحریک طالبان سے ہے اور یہ افغانستان میں دہشتگردی کی تربیت حاصل کر چکا ہے، سی ٹی ڈی ذرائع کا کہنا ہے کہ گرفتار دہشتگرد ملک دشمن سرگرمیاں اور دہشت گردی کی کاروائیوں میں ملوث تھے، یہ دہشتگردی کے کاموں میں سہولت کار بتایا جاتا ہے۔
