سیول (انٹرنیشنل ڈیسک) جنوبی کوریا میں لیتھیم بیٹری کے پلانٹ میں لگنے والی خوفناک آگ سے 20 ملازمین بری طرح جھلس کر ہلاک ہوگئے ۔ خبر رساں ادارے کے مطابق واقعہ جنوبی کوریا کے شہر ہواسیونگ میں بیٹری بنانے والی کمپنی ایریسیل میں پیش آیا۔ آگ فیکٹری کے گودام میں لگی جس نے دیکھتے ہی دیکھتے پوری فیکٹری کو اپنی لپیٹ میں لے لیا۔ گوادم میں تقریباً 35 ہزار بیٹریاں رکھی ہوئی تھیں۔ فائر بریگیڈ نے 4 گھنٹوں کی محنت کے بعد آگ پر قابو پالیا۔