واشنگٹن (انٹرنیشنل ڈیسک) امریکی ریاست مونٹانا میں بوڑھے آدمی کو 2 بینک ڈکیتیاں کرنے پر عدالت نے قید کی سزا سنا دی۔ امریکی میڈیا کے مطابق مونٹانا کے رہایشی 88 سالہ اسٹیون وائٹ کلاؤڈ کو گزشتہ برس اگست میں 2 بینک ڈکیتیوں میں ملوث ہونے پر 2 سال قید کی سزا سنائی گئی۔ اسٹیون وائٹ کلاؤڈ نے فروری میں ایک بینک ڈکیتی کا جرم قبول کر لیا تھا۔ جج سوسن واٹرس نے کیس کی سماعت مکمل ہونے پر وائٹ کلاؤڈ کو 2سال قید کی سزا سنائی، جب کہ رہائی کے بعد بھی اسے 3سال تک نگرانی میں رہنا پڑے گا۔ عدالت نے وائٹ کلاؤڈ پر 3ہزار ڈالر سے زائد جرمانہ بھی عائد کیا۔