منیلا (انٹرنیشنل ڈیسک) فلپائن کے شہر زامبوآنگا میں آتش بازی کے ڈپو میں دھماکے کے نتیجے میں ایک بچے سمیت 5 افراد ہلاک ہو گئے ہیں۔ مقامی حکام کے مطابق دھماکے کی وجہ سے اطراف کے مکانات اور کاروباری مقامات کو بھی نقصان پہنچا ہے۔ حادثے میں اموات کی تعداد 5 ہے جن میں ایک بچہ بھی شامل ہے۔ خبررساں اداروں کے مطابق اسپتالوں میں داخل کرائے گئے زخمیوں کی تعداد 20 ہے جن میں سے 8 کی حالت نازک بتائی جا رہی ہے۔دوسری جانب ماہرین کی ٹیموں نے جائے وقوع پر دھماکے کی وجہ جاننے کے لیے تحقیقات شروع کردی ہے۔