اسلام آباد(آن لائن) صدر مملکت آصف علی زرداری سے سابق وفاقی وزیر ریلوے،عوامی نیشنل پارٹی کے سینئر رہنما غلام احمد بلور نے ملاقات کی ۔ ملاقات میں ملک کی مجموعی سیاسی، سیکورٹی اور امن و امان کی صورتحال پر تبادلہ خیال کیا گیا۔صدر مملکت کاکہنا تھا کہ ملکی مسائل کے حل ، سیاسی و معاشی استحکام کیلیے تمام سیاسی جماعتوں کا ساتھ چلنا ضروری ہے،اہم قومی امور پر تمام سیاسی جماعتوں کے ساتھ مشاورت اور اتفاقِ رائے ناگزیر ہے۔غلام احمد بلور نے صدر آصف علی زرداری کو دوسری مرتبہ صدر مملکت کا عہدہ سنبھالنے پر مبارکباد دی اور اپنے ہر ممکن تعاون کا یقین دلایا۔