کراچی: چوہدری اسلم کے قریبی ساتھی محکمہ انسداد دہشتگردی (سی ٹی ڈی) کے ڈپٹی سپرنٹنڈنٹ آف پولیس (ڈی ایس پی) علی رضا دہشت گردوں کی فائرنگ سے جاں بحق ہوگئے۔
میڈیا رپورٹس کے مطابق ڈی ایس پی علی رضا کا قتل کریم آباد پر ہوا ہے، جائے وقوعہ سے نائن ایم ایم کی گولیوں کے 11 خول برآمد ہوئے۔
پولیس ترجمان نے کہاکہ ڈی ایس پی سی ٹی ڈی اپنے ساتھ سیکیورٹی گارڈ نہیں رکھتے تھے، تاحال واقعے کی کوئی سی سی ٹی وی سامنے نہیں آئی، موٹر سائیکل پر 2 مسلح ملزمان تھے جنہوں نے ٹارگٹ کیا، ایک اجرک اوڑھے ہوئے تھا جبکہ دوسرے نے ہیلمٹ پہن رکھا تھا۔
وزارت داخلہ سندھ نے ڈی ایس پی علی رضا کے قتل کا فوری نوٹس لیتے ہوئے فوری قانونی کارروائی کی ہدایت کرتے ہوئے رپورٹ طلب کی ہے۔
