لندن (انٹرنیشنل ڈیسک) برطانیہ میں 2سوٹ کیسوں سے ملنے والی لاشوں نے خوف ہراس پھیلا دیا، جس کے بعد پولیس نے قتل کے شبہے میں ایک شخص کو گرفتار کرلیا۔ خبر رساں ادارے کے مطابق پولیس کے تفتیش کاروں نے ساؤتھ لندن کے علاقے میں قتل کے مقدمے میں 36 سالہ ملزم کو گرفتار کیا ہے۔ تاہم پولیس نے تصدیق کی ہے کہ حراست میں لیا گیا شخص وہ نہیں ہے جس کی تصاویر عوام سے مدد کی اپیل کے لیے جاری کی گئی تھیں۔ عینی شاہدین نے بتایا کہ ایک مشتبہ شخص پل کے پاس موجود سوٹ کیسوں کو پانی میں پھینکنے کی کوشش کررہا تھا،جو پولیس کو دیکھ کر وہاں سے فرار ہوگیا۔