اسلام آباد:حکومت مہنگائے کے مارے شہریوں کو بجلی کا ایک نیا جھٹکا دینے کے لیے تیار ہے، جس کے تحت بجلی کی قیمت میں مزید 2.10 روپے فی یونٹ اضافے کا امکان ہے۔
خبر رساں ایجنسی کے مطابق سرکاری ڈسکوز کی جانب سے بجلی کی قیمت میں ایک ماہ کے لیے فی یونٹ 2.10 روپے تک اضافے کا امکان ہے۔ اس حوالے سے سینٹرل پاور پرچیزنگ ایجنسی نے نیپرا میں درخواست دائر کر دی ہے۔
سی پی پی اے کی جانب سے قیمتوں میں اضافہ ماہانہ فیول کاسٹ ایڈجسمنٹ کی مد میں طلب کیا گیا ہے۔ ایف سی اے کی اس درخواست پر نیشنل الیکٹرک پاور ریگولیٹری اتھارٹی (نیپرا) 31 جولائی کو سماعت کرے گی۔ درخواست منظور ہونے کی صورت میں بجلی مہنگی کرنے کا نوٹی فکیشن جاری کردیا جائے گا۔