کٹھ مندو (انٹرنیشنل ڈیسک) نیپال کے دارالحکومت میں مسافر طیارہ اڑان بھرتے ہوئے رن وے پر گر کر تباہ ہوگیا۔ خبر رساں ادارے کے مطابق سوریا ائر لائنز کی پرواز میں عملے کے 2 ارکان اور 17 مسافر سوار تھے جو کہ اسی ائرلائن کمپنی کے ملازمین تھے۔ طیارے کو تکنیکی جانچ کے لیے اڑایا جارہا تھا۔ طیارہ ٹیک آف کے دوران رن وے سے ٹکرایا اور گرتے ہی اس میں آگ بھڑک اْٹھی ، جس کے بعد طیارہ دیکھتے ہی دیکھتے مکمل طور پر جل کر راکھ کا ڈھیر بن گیا۔ امدادی کاموں کے دوران طیارے سے ایک غیر ملکی سمیت 18 لاشیں نکال لی گئیں جب کہ پائلٹ کو شدید زخمی حالت میں اسپتال منتقل کیا گیا ہے۔
