پیانگ یانگ (انٹرنیشنل ڈیسک) شمالی کوریا نے جنوبی کوریا کی سرحد کے قریب فرنٹ لائن فوجی یونٹوں میں 250 نئے ٹیکٹیکل بیلسٹک میزائل لانچر نصب کرنے کا اعلان کردیا۔ پیانگ یانگ میں فوج کو میزائل سسٹم کی منتقلی کے موقع پر ایک تقریب منعقد کی گئی جس میں ملک کے رہنما کم جونگ اْن نے شرکت کی۔ موبائل لانچروں کو مبینہ طور پر جنوبی کوریا کی فوج اور جنوب میں امریکی اڈوں کو نشانہ بنانے والے بیلسٹک میزائلوں کے لیے بڑے پیمانے پر تیار کیا گیا ہے۔
