بیجنگ (انٹرنیشنل ڈیسک) چین افریقا تعاون فورم کے سلسلے میں 50 افریقی ممالک کے سربراہان بیجنگ پہنچ گئے،جہاں چینی صدر شی جن پنگ نے ان کے اعزاز میں استقبالیہ دیا۔ چین افریقا تعاون سربراہ اجلاس کا یہ نواں فورم ہے، جس میں چین نے دنیا بھر میں بڑھتے ہوئے سیاسی و اقتصادی بحران کے دوران افریقی ممالک کے ساتھ معاملات آگے بڑھانے کے ہدف پر نگاہ مرکوز کر رکھی ہے۔ فورم میں افریقی رہنماؤں پر زور دیا جائے گا کہ وہ چینی اشیا کی درآمدات میں اضافہ کریں۔ اس کے بدلے ان سے قرض فراہم کرنے اور سرمایہ کاری کے وعدے کیے جائیں گے۔
