لاہور: پنجاب میں ماس ٹرانزٹ منصبوں اورنج لائن، میٹرو اور اسپیڈو بسوں پرمفت سفری سہولیات کی فراہمی کی تیاری مکمل کرلی، محکمہ ٹرانسپورٹ نے سمری منظوری کیلئے کابینہ کو بھجوا دی۔
پنجاب حکومت کی جانب سے بزرگوں، اسپیشل پرسن اوراسٹوڈنٹس کو پنجاب ماس ٹرانزٹ منصوبوں میں فری سفری سہولیات دینے جارہی ہے۔
ذرائع کے مطابق ملتان اور راولپنڈی میٹرو بس و اورنج لائن ٹرین میں مفت سفری سہولیات کی فراہمی کی جائیگی، محکمہ ٹرانسپورٹ و ماس ٹرانزٹ اتھارٹی نے عملدرآمد کی تیاری پکڑ لی۔
بزرگوں، اسٹوڈنٹس اوراسپیشل پرسن کیلیے ماس ٹرانزٹ سسٹم پر مفت سفرکیلئے سمری کابینہ کمیٹی برائے خزانہ کوارسال کردی گئی ہے، سینئر وزیر مریم اورنگزیب کی زیر صدارت ہونے والے اجلاس میں آج سمری کی منظوری دی جائیگی۔