لندن :امارت اسلامیہ افغانستان کے طالبان حکام نے سابق حکومت کی طرف سے قائم کیے گئے سفارتی مشنز سے تعلقات منقطع کرنے اور عملے کو فارغ کرنے کے بعد برطانیہ میں سفارت خانہ بند کردیا۔
غیرملکی میڈیا رپورٹس کے مطابق لندن میں افغان سفارت خانہ بند ہونے کے بعد ایک نوٹس لگایا گیا ہے، جس پر واضح طور پر لکھا ہے کہ جمہوریہ افغانستان کا سفارت خانہ بند ہوگیا ہے۔
واضح رہے کہ برطانیہ نے طالبان حکومت کو قبول نہیں کیا اور نہ ہی اس کے افغانستان کے ساتھ باضابطہ سفارتی تعلقات ہیں تاہم امریکا اور یورپی یونین کی طرح لندن بھی اس بات کو تسلیم کرتا ہے کہ افغانستان کی موجودہ انتظامیہ کے ساتھ بات چیت کرنے کے علاوہ ان کے پاس کوئی چارہ نہیں۔
