کراچی: محکمہ موسمیات کی جانب سے کہا گیا ہے کہ شہر قائد میں موسم مزید 3 دن تک گرم رہنے کا امکان ظاہر ہے۔
محکمہ موسمیات کا کہنا ہے کہ شہر میں کل سے درجہ حرارت 38 سے 40 ڈگری سینٹی گریڈ تک بڑھنے کا امکان ہے اور شمال مغرب سے گرم اور خشک ہوائیں چلتی رہیں گی۔
اس حوالے سے محکمہ موسمیات نے کہا ہے کہ سندھ کے بیشتر علاقوں میں موسم گرم اور خشک رہے گا جب کہ 20 اور 21 اکتوبر کو تھرپارکر، عمرکوٹ میں چند مقامات پر آندھی اور بارش کا امکان ہے۔
علاوہ ازیں محکمہ موسمیات نے آج بھی کراچی کے بیشتر علاقوں میں آندھی اور گرج چمک کے ساتھ بارش کی توقع ظاہر کی ہے۔