انقرہ (انٹرنیشنل ڈیسک) ترکیہ کے وسطی صوبے اکسارے میں بس خوفناک حادثے کا شکار ہوگئی، جس کے نتیجے میں 6 افراد جاں بحق اور 25 زخمی ہو گئے۔خبر رساں اداروں کے مطابق حادثہ انقرہ موٹر وے پر پیش آیا۔حادثے کا شکار ہونے والی بس مغربی صوبے بالی سیر سے مسافروں کو وسطی ترکیہ کے مشہور سیاحتی مقام کپاڈو شیا کے علاقے میں لے جا رہی تھی۔ یہ واضح نہیں ہوسکا کہ حادثے کی وجہ کیا بنی،تاہم تحقیقات شروع کردی گئی ہے۔