فلپائن میں طوفان ٹرامی سے ڈیڑھ لاکھ افراد بے گھر

منیلا (انٹرنیشنل ڈیسک) فلپائن میں طوفان ٹرامی سے ڈیڑھ لاکھ سے زائد افراد بے گھر ہوگئے۔ خبررساں اداروں کے مطابق ملک بھر میں بارش اور لینڈ سلائیڈنگ سے مرنے والے افراد کی تعداد 82ہوگئی ہے۔ طوفان 95 کلومیٹر فی گھنٹہ والی ہواؤں کے ساتھ کوڈیلیرا کے پہاڑی شمالی علاقے میں بحیرہ جنوبی چین کی طرف مغرب کی طرف بڑھ رہا ہے۔ حکام نے ساحلی علاقوں میں سیلاب اور لینڈ سلائیڈنگ سے مزید ہلاکتوں سے خبردار کیا ہے۔ طوفان کے باعث ملک بھر میں پروازیں منسوخ کردی گئی ہیں،جب کہ انفراسٹرکچر کو نقصان پہنچنے سے معمولات بھی درہم برہم ہوگئے ہیں۔