عوام پاکستان پارٹی کے رہنما مفتاح اسماعیل نے کہا ہے کہ حکومت کا کارنامہ یہی ہے کہ ہر چیز مہنگی کر دی گئی ہے۔
اسلام آباد میں پریس کانفرنس کرتے ہوئے عوام پاکستان پارٹی کے رہنما مفتاح اسماعیل نے کہا کہ سب سے مہنگی بجلی اور گیس پاکستان میں ہے، ہر پاکستانی گزرتے سال کے ساتھ غریب ہو رہا ہے۔
ان کا کہنا تھا کہ حکومت نے ایک سال میں صرف اپنی کرسی مضبوط کی ہے،آج بھی ملک میں لاکھوں بچے بھوکے سوئیں گے۔
انہوں نے کہا کہ اس حکومت نے اپنا پورا سال ضائع کر دیا، پاکستان میں 40 فیصد لوگ غربت کی لکیر سے نیچے ہیں۔