وفاقی وزیرِ تعلیم خالد مقبول صدیقی نے کہا ہے کہ 77 سال میں پاکستان بنانے کا مقصد تک پورا نہیں کیا گیا۔
گورنر ہاؤس کراچی میں داؤد یونیورسٹی کے کانووکیشن کی تقریب سے خطاب کرتے ہوئے وفاقی وزیرِ تعلیم خالد مقبول صدیقی نے کہا کہ یہ تسلیم کرنا ہوگا کہ سب برابر کے حق دار ہیں، تبدیلی جدید ٹیکنالوجی پر عمل کرنے سے ہی آئے گی۔
انہوں نے کہا کہ ہمیں آزادی ملی لیکن ہم نے اس آزادی کی قدر نہیں کی، 77 سال میں پاکستان بنانے کا مقصد تک پورا نہیں کیا گیا۔۔
وفاقی وزیرِ تعلیم خالد مقبول صدیقی کا یہ بھی کہنا تھا کہ تبدیلی دعوؤں اور نعروں سے نہیں آئے گی۔